Itziar Blanco: proiektuak eta komunikazioa haur hezkuntzan blogaren bidez

Pasa den ekainaren 4an, Itziar Blanco, Arteagabeitia eskolako HHko andereñoa, Getxoko Berritzegunean egon zen bere gelako esperientzia, lan proiektuen bidez gauzatuta, gurekin partekatzeko. Berak ere, ikasteko eta komunikatzeko teknologi berriak era naturalean txertatzen ditu lan proiektuetan, bai gelako jardueretan, baita familiekiko harremanetan ere.
Oso gustora egon ginen bere esperientziak, ideiak eta zailtasunak ere entzuten eta bere aurkezpena utzi zigun irakasle guztiekin partekatzeko.

Itziar Blanco: Proiektuak eta komunikazioa haur hezkuntzan blogaren bidez

Publish at Calameo or read more publications.

Bere mintzaldia bukatzeko utzi dizkigu egiten ari den MOOC, APRENDIZAJE BASADO EN PROYECTOS ikastaroaren aurkezpena eta bideoen estekak.

HH Mintegia 2014-2015
Bestaldetik, aprobetzatu nahi dugu sarrera honek ematen digun aukera datorren ikasturterako mintegi proposamena zabaltzeko. 

Azken urteetan gelara eramateko proposamenak, eguneroko egoeretan, umeen interesa eta bizipenetan oinarritzean ere, “proiektu txikiak” bilakatzen hasi direla eta mintzaldi  honen arrakasta ikusita hurrengo bi ikasturteei begira (14-16), HH MIntegirako proposamena “Lan-proiektuak gure gelan ” da. Ideia da gure geletan proiektu xumeak aurrera eraman ahala beste osagarri berriztatzaileak ere ezagutu gure lan-proiektuak aberasteko. Osagarri hauek: Bloom-en taxonomia, Adimen Anitzeko teoria, Adimen emozionala, Elkarlana eta Jolas kooperatiboa, pentsamendu-abileziak, ebaluaziorako tresna berriak: errubrikak eta portfolioa.

SENTIMENDUAK ETA MATEMATIKA 3 URTEKO GELAN

Aurten hiru urteko geletan sentimendu proiektu batean murgilduta ibili gara. Besteak beste, matematika gaitasuna ere landu dugu. Jardueren artean estadistikarena aukeratu dugu hemen azaltzeko.

Grafiko baten bidez adierazi genuen momentu horretan zelan sentitzen ginen. Horretarako bost emotikono erabili genituen sentimendu hauek adierazteko: pozik, triste, beldurtuta, haserre eta harrituta. Norberak bere izenaren txartela hartu eta zegokion emotikonoaren gainean kokatu zuen.

Sentimenduak eta matematika Berangoko 3 urteko gelan on PhotoPeach



Grafikoa elkarrekin interpretatu genuen. Hona hemen jardueran zehar garatu den elkarrizketa:

-Zer ikusten duzue ?

-Unos son grandes y otros pequeños

-Zeintzuk dira handiak?

-Pozik

-Eta txikia, beldurtuta eta harrituta

-Zenbat lagun pozik daude?

-(zenbatu egiten dute)zortzi.

-Zein zutabeetan lagun gutxi daude?

-triste

-Zenbat?

-(zenbatu) lau.

-Eta zenbat lagun haserre?

-Lau

-Zein lerrotan dago gehiago? triste edo haserre ?

-Berdina.

Hasieran uste baino errezagoa izan da "estadistika" (datuen bilketa...) lantzea. Gero beste egoerak aprobetxatu ditugu berriz grafikoak lantzeko: eguneko menua dela eta, yogurra edo fruta nahiago zutenaren kopurua beste grafiko baten isladatu dugu. Azkenik, grafikoaren errepresentazio librea ere egin zuten.

DINOSAURIOAK (Plentzia Eskola HH5)

Eta hiruhilabetea bukatzeko DINOSAURIOen munduan murgildu ginen... Uuuaaauuuuuuu !!!!.....

IGLUAK HH5 Plentzia Eskola

Gure hurrego proiektuarekin gauza asko ezagutu eta egin ditugu... eta guztiak oso interesgarriak benetan.

Pentominoak

San Ignacio eskolan, 5 urteko A ereduko umeek, pentominoarekin lehenengo kontaktua izan dute. Material oso manipulatiboa, erraza eta erakargarria da. Eta, batez ere, merkea. Ereduak eta azalpena Divermates webgunearen blogan topatu ditugu. Pentominoak malgua eta kolorezko esponja mehe batekin egin ditugu: "goma eva" edo "Foamy" izenekoa.

Pentominoak San Ignacioko 5 urteko gelan on PhotoPeach

Jarduerak hiru fase izan ditu:

1. Mahaian, zuzenduta, emaitza izanik
2. Mahian, zuzenduta, emaitzak ikusi barik
3. Alfonbran, jolas librea

PLANETAK (Plentzia Eskola HH5)

Oraingoan proiektu batekin animatu gara. Gabonetatik bueltan, goiz batean, korroan geundela, ume bat planteatzen hasi zen ea gauean zer gertatzen zen eguzkiarekin.... aaaa ze interesgarri !!! Eta hortik hasita galderak, jakinmina eta honako hau sortu gendun...

Logika eta gehiago: Irla eta dordokak Lemoizko eskolan

"Irla eta dordokak" jolasa noiz behinka proposatzen nuen nire gelan duela ea 20 urte. Garai hartan nire helburu nagusia zen "tentsioak askatzea". Gelan 25 ume zeuden eta batzuentzat zaila zen denbora luze gelan egotea, batez ere euria egiten zuenean eta atsedenaldian espazio txiki baten bakarrik mugitzeko aukera zutenean. Baina matematika eta hizkuntzako edukiak ere lantzen genituen. Bestaldetik, garai hartan ez nuen ezagutzen Howard Gardner-en Adimen anitzen teoria, baina banekien nire ikasle guztiek ez zutela berdin ikasten. Banekien, ere, jolasa zela mediorik hoberena ikasteko. Orain adimen anitzen teoria ezagutzen dugu, guztientzako eskola eskeini nahi dugu, ikasteko mediorik hoberena jolasa dela badakigu. Bestaldetik ikas-irakuskuntzaren xedea gaitasunak garatzea da eta, jolas honen bidez, nire ustez, gaitasun anitzak garatu daitezke, besteak beste, matematika.
Iaz, haur hezkuntzako mintegian logika matematika lantzen hasi ginenean, berriro frogatu nahi nuen gela baten irakasle guztiei proposamena egin baino lehen.
Esperientzia hau Lemoizko eskolan egin genuen, Maite Landaren gelan, non 4 eta 5 urteko umeak zeuden.
Jolastu eta gero, marrazki bat egitea eskatu genien umeei. Hemen daude jolasaren deskribapena eta ikasleen marrazkiak:

Irla eta dordokak. Lemoizko eskola

Publish at Calameo or read more publications.